"الواد ده طابور خامس" .. يعني ايه طابور خامس ؟
يعني خاين وعميل وجاسوس ..
طيب ليه طابور خامس ؟ ليه مش تالت .. تاني .. رابع؟
بص يا سيدي طابور خامس علشان زمان وقت الحرب الأهلية في أسبانيا، واحد من الجنرالات اسمه "اميليو" قائد القوات الوطنية اللي زحفت على مدريد واللي كانت مكونة من 4 طوابير..
لما الصحفيون سألوه أنهي طابور في الأربعة هتدخل بيه مدريد؟ ، قالهم إن فيه طابور خامس بيشتغل مع الوطنيين لصالح جيش الجنرال "فرانكو " ضد الحكومة الجمهورية اللي ميولها كانت ماركسية يسارية.
كان يقصد بيه المؤيدين لفرانكو من الشعب داخل مدريد، وتحول بعدها المصطلح علشان يبقى مقصود بيه الجواسيس في الحرب الباردة بين المعسكرين الرأسمالي والإشتراكي .. امريكا وروسيا يعني.